व्यसन

🌱वि४🌿व्हॉट्सअप ग्रुप

व्यसन

Source:- INTERNET

-नानु तिवाडे, 

 नागपूर

माझी पहीलीच कविता आहे काही मिस्टेक झाली असेल तर सांभाळून घ्याल.... 

कथा दारूड्याच्या संसाराची त्या मायमाऊलीला

 विचारा.

कशी सांभाळत असते ती स्वतःच्या खांद्यावर संसाराची धूरा........ 

मोदी जी...... ती मेट्रो तर आजची उद्या बनेल...

आधी ती दारू बंद करा........ 2

घरामध्ये नसते कधी मीठ तर नसते कधी तिखट.....

फिरून गाव आला की म्हणते कर मला ताट.... 

कधी कधी रात्रभर घरी नाही आला तर पाहत असतो याची आम्ही वाट..... 

आणि चांगल सांगल जरी काही तर मात्र चढते याला आट..#

कसं रे नाही समजत तुला.... 

कोणाच झालं आतापर्यंत दारू पिऊन भला..... 

कसं नाही लागत रे मन तुझा संसाराला.....

तुला तर वाटते दारू प्यायल्यावर खूप चांगला...

पण...आम्ही मात्र झोपताे ना उपाशी उशाच्यापाशाला...#

होतास खरं तेव्हा सात गावाचा धनी......

म्हणेस लग्नाच्या वेळी ठेवीन तुम्हच्या पोरीला आनंदी..

पण आता सवय धरलास दारूची गंदी.... 

आणि हाल हाल करतोस घरामध्ये करून माझी बंदी...#

कशी रे नाही वाटत दारू पितांना थोडीशी तुला लाज...

घरामध्ये लग्नाचा जवान पोरगा आहे आज....

पोरीचा लग्न झाला म्हणून चढला का रे तुला एवढा माज.....

जरी मनावर घेतलनं पोराने तर उतरवेल सगळी तुझी खाज....#

कथा दारूड्याच्या संसाराची त्या मायमाऊलीला

 विचारा..

कशी सांभाळते ती आपल्या लेकराला....   

कधी तरी मोदी जी ह्यांचाही विचार करा........ 

ती मेट्रो तर आजची उद्या बनेल......

आधी ती दारू बंद करा.......आधी ती दारू बंद करा..##

Source:- INTERNET

-अनिल गोडबोले

 सोलापूर

व्यसन हा शब्दच मुळात माणसाला मानसिक आजाराकडे घेऊन जातो हेच आपल्याला माहीत नसावं.. आपल्याला म्हणजे भारतातील व्यक्तींना !

व्यसन वेगवेगळी असतात आणि प्रत्येक देशात व्यसनाची समस्या आहे.. पण भारतात व्यसन करण्याला जे काही महत्त्व दिलं आहे.. त्याला जगात तोड नाही.

गंमत म्ह्णून सुरू झालेली कोणतीही गोष्ट आरोग्य कधी पोखरते, हेच मुळात कळत नाही.. व्यसनमुक्ती केंद्रात दाखल केलेल्या विविध रुग्णांना मला बोलताना जाणवलं की त्यांना व्यसनांमुळे आपल्याला त्रास झालेत हेच कळत नाही किंवा मान्य नसत.

दारू पिणे, तंबाखूजन्य पदार्थ, बिडी, सिगारेट, गांजा, अफू, चरस, हेरॉईन, मारीज्युअना,एल एस डि, नारकोटिक असे बरेच प्रकार आहेत..हल्ली तर मोबाईल, चहा ,कॉफी, व्हाईटनर पिणे, अयोडेक्स व पाव खाणे, पेट्रोलचा वास, स्पिरिट, सापाचे विष.. असे अजून किती तरी प्रकार आहेत.

सगळ्यात जास्त प्रमाण हे दारू आणि तंबाखू याचे आहे. आता मोबाईल चे परिणाम पण आपण बघत आहोत.. या मध्ये आता स्त्रिया आणि पुरुष असा काही फरक राहिलेला नाही.. पण तरी देखील पुरुषांकडे प्रमाण जास्त आहे. 

व्यसनाधीन होण्याच्या कारण मध्ये सर्वात मोठे कारण आहे.. अनुकरण..!! सगळे जण करतात मग मी केलं तर काय बिघडत?.. परदेशात सगळेच दारू पितात.. एकदा सिगरेट ओढली की लगेच व्यसन कुठे लागत..

'आयुष्यात येऊन दारू पिली नाही किंवा व्यसन नाही केलं तर मग जीवनाला अर्थ काय?' अस तत्वज्ञान शिकवलं जातं.. आमच्याकडे फिल्मचा हिरो दारू पितो, सिगरेट ओढतो, घरात मोठी माणसं आणि आता तर मुली पण करत आहेत.. मग त्यात काय एवढं?.. असे बरेच वाद चालू आहेत..

मोबाईल चे कुठे व्यसन लागते.. मी फक्त कामपूरत वापरतो.. असे म्हणणाऱ्या व्यक्ती ने तपासावे की दिवसातून किती वेळ मी मोबाईल वर असतो.. मी स्वतःला प्रयत्न करून मोबाईल पासून लांब ठेवलं आहे..

असो... पण ही सगळी तत्त्वज्ञान आयुष्याच्या एका टप्प्यावर फोल पडतात.. कधीतरी रुग्णालयात जाऊन व्यसनी माणसाला बघा म्हणजे कळेल.. काय अवस्था आहे ती.. कॅन्सर हॉस्पिटलमध्ये जाऊन एकदा त्या वार्ड मध्ये फिरून यायचं ज्या वॉर्ड मध्ये तोंडाचा कॅन्सर आहे..

विविध रसायनांवर अवलंबून राहणे हे एक मेंदूचा आजार आहे त्यावर उपचार आहेत.. ते करून अजून सुद्धा आपण स्वताला सावरू शकतो.. मला वाटत की 'संजू' फिल्म मध्ये जे दाखवलं आहे ना.. ते खूप घेण्यासारखं आहे..

आपण आपली काळजी घेणे आवश्यक आहे. आपल्याला जर खरच कोणत्याही पद्धतीचे व्यसन असेल तर लगेच त्यावर उपचार करून घेणे नेहमी चांगले.. आपण एखाद्या गोष्टीला टाळू शकत नाही असं वाटलं की लगेच समुपदेशक किंवा मानसोपचार तज्ज्ञांचा सल्ला घेऊन थांबवूयात..

शेवटी "सर सलामत तो पगडी पचास"..हेच खरं

Source:- INTERNET

-मंदा गव्हाणे, 

 अमरावती.      

 वेड्या माणसा करू नको रे या जन्मी कुठलेच व्यसन. ..... शरीर होईल तुझे भंगार अन् लवकर तुला येईल मरण.                  लिव्हर नष्ट दारूने अन् कॅन्सर देते दारूचे व्यसन.... समाजास तू नकोसा होशील, कुटुंबासहि तुझे दडपण....... व्यसनामुळे उद्ध्वस्त कुटुंब लेकरांचे होते अर्धवट शिक्षण, पैशांचे नुकसान होऊनी, कुटुंबासह येते भिकार पण..... माणुसकी तुझी मरून जाते येतो तुझ्यात राक्षस गण, कुटुंबातील प्रत्येकाचे हिसका वतो तू आनंदी क्षण............... जिने आयुष्यभरासाठी तुला अर्पिले तन, मन, धन, अंतरीचे दुःख लपवून जगते लेकरां सह जीवन..... यमराजाकडे तुजला नेईल तुझे ते प्रिय ड्रग्स चे व्यसन, सिगरेट , बिडी, गांजा, करते कॅन्सर आणि क्षयरोगाची लागण....... फाशी घेण्यास प्रवृत्त करते वरली आणि जुगाराचे व्यसन, आतातरी सुधार तु रे सोडून दे वाईट लक्षण....... एच. आय. व्ही. बाधित करते तुला अनैतिक संबंधाचे व्यसन, एकनिष्ठ रहा पत्नीशी नको करू वाईट वर्तन........ किंमत कर शरीराची, कुटुंबाला दे आनंदी क्षण, आदर करतील तुझा रे वेड्या कुटुंबातील प्रत्येक जण..... प्रत्येकाला जगण्यासाठी मिळते एकदा मानवी जीवन, परमेश्वराचे आभार मानुनी सोडून दे सर्वच व्यसन.

Source:- INTERNET

-रत्नाकर सातपुते, 

 संगमनेर

गावात कोणाचीही वरात असुद्या, तिच्यामध्ये दगडू नाचायला असणारच.वरातीचे म्हणून असे खास आमंत्रण त्याला आजवर कोणीही दिलेले नाही.तरीही कोणाचीही वरात दगडू शिवाय झाली नाही.वरातीला नाचण्यासाठी जर पोरांनी दारुसाठी लईच आग्रह धरला तर नवरदेव स्पष्ट सांगून मोकळा,

" काय येऊ नका तुम्ही.एकटा दगडूच पुरुन उरतो वरातीला."

दगडूला फक्त वरात सुरु व्हायच्या आधी आणि वरात संपल्यावर जेवायला लागतं पोटभर.वाजंत्री थकतात पण दगडू नाही थकत.नाचणार सुध्दा इतकं तालात का खुश होऊन बाईमाणसांची ओवाळणी टाकायला गर्दीच होणार.त्यामुळे वाजंत्रीही खुप वेळ दगडूला राजी असायचे.मला जेव्हा कळायला लागले तेव्हापासून मी दगडूला नाचताना पाहात आलोय.नोकरी निमित्ताने गाव अंतरले आणि दगडूचाही विसर पडला.आज निवृत्त होऊन मी गावी आलोय.मुलाचं लग्न करायचं म्हणून नियोजन चाललंय...वरातीच्या खर्चाचा आकडा पाहून मुलाला म्हटलं,

" एवढा खर्च ?"

" दारु पाजल्याशिवाय कोणी येत नाही नाचायला..."

मला दगडूची तीव्र आठवण आली.त्याला फक्त नाचायचं व्यसन... आजारपणामुळे गेला नसता तर... मनात मुलाची वरात सुरु झाली आहे आणि दगडू नाचतोय... ओवाळणी टाकायला मी ताडकन उठलो तसा मुलगा म्हणला,

" पैशाची नका काळजी करु ओ.पिऊ द्या मरु द्या पिणारांना..."

Source:- INTERNET

-वाल्मीक फड 

 नाशिक 

व्यसन असावे माणुसकीचे 

माणसातील देव पहाण्याचे

लटके नसावे बोलण्याचे

असावे वचन पाळण्याचे.

मातृभूमीवर प्रेम करण्याचे

आणी तिला सावरण्याचे

विरुद्ध तिच्या घोषणा देऊन 

नसावे तिला लज्जीत करण्याचे.

व्यसन असावे निसर्गाचे

त्याला जोपासण्याचे

घाव घालूनी झाड तोडणे 

नसावे हे व्यसन कुकर्माचे.

वाईट व्यसन जसे दारु 

तिच्यामुळे कधी मारते जोरु 

म्हणून असले व्यसन ठेऊ नको

मार तिचा खाऊ नको.

व्यसनातून अलिप्त राहू

सुंदर हा देश पाहू

माझ्या सर्व देशबांधवांना 

हा प्रेमाचा संदेश देऊ.

ईश्वराच्या ह्या धरणीवर

आहेत बहु पशू पक्षी जलचर

रक्षण त्यांचे करण्याचे

व्यसन असावे सात जन्माचे.

जय हिंद.