व्हॉट्सअँप स्टेटस एक आढावा.

अमोल धावडे
अहमदनगर.

व्हॉटस्अॅप स्टेटस हा प्रत्येकजण वेगवेगळ्या कारणासाठी ठेवत असतो. त्या स्टेट्समधून आपल्या भावना व्यक्त करण्याचा प्रयत्न करत असतो. व्हॉटस्अॅप स्टेटस च्या माध्यमातून समोरच्या व्यक्तिचा मूड कसा आहे हे समजते. व्हॉटस्अॅप स्टेटस च्या माध्यमातून लोक आपले प्रेम व्यक्त करण्याचा प्रयत्न करतात तर काहीजण स्वतःचे चांगले विचार शेअर करतात तर काहीजण फक्त समोरच्या व्यक्तीला हसवण्यासाठी आपले व्हॉटस्अॅप स्टेटस ठेवत असतात.
पण हे नक्की आहे की व्हॉटस्अॅप स्टेटसच्या माध्यमातून आढावा तर नक्की मिळतो.

व्हॉटस्अॅप स्टेटस चा चांगला फायदा पण होऊ शकतो आज सकाळी न्युज पेपर वाचत असताना नाशिक शहरात व्हॉटस्अॅप स्टेटसच्या माध्यमातून एका मुलीचा बालविवाह थांबवण्यात आला. झाल अस की एक महिला कामासाठी एका सुशिक्षित व्यक्तीच्या घरी होती आणि त्या महिलेने आपल्या मुलीचा बालविवाह ठरवला व कार्यक्रमाचे फोटो व्हॉटस्अॅप स्टेटस ला टाकले त्या स्टेटस च्या माध्यमातून त्या मुलीचा बालविवाह थांबवण्यात आला. स्टेटस चा असा चांगला वापर सुध्दा होऊ शकतो.

आपण आपला दररोज चा मूड स्टेटसच्या माध्यमातून सांगतो, चांगले विचार या माध्यमातून शेअर होतात काही जोक्स वाचून तर हसू आवरत नाही आणि सर्वाना सवय होऊन जाते की मोबाईल हातात घेतला की इतरांचे स्टेटस चेक करण्याची.

व्हॉटस्अॅप स्टेटच्या माध्यमातून आढावा मिळतो हे नक्की......
___________________________________________

आशिष बारी 
ता.तळोदा जि.नंदूरबार

   आज काल प्रत्येक व्यक्ती ला स्टेटस ठेवण्याची खुपच आवड आहे. व प्रत्येक व्यक्ती त्याच्या मनातील भावना त्या स्टेटसच्या माध्यमातून व्यक्त करत असतो व  त्याच्या त्या व्यक्तीच्या आवडी- निवडी तो या माध्यमातून मांडत असतो, त्या ठेवलेल्या स्टेटसच्या माध्यमातून त्या व्यक्तीचा स्वभाव हा कळत असतो. तसेच त्यांची विचार सारणी ह्या स्टेटसच्या माध्यमातून कळते. त्या ठेवलेल्या स्टेटसच्या मधून एक बोधकथा, सुविचार , नवनवीन आचार विचार हे मांडता येतात.याचा फायदा स्टेटच्या मधुन होत असतो. समाजात जनजागृती करण्यासाठी ह्या whatsapp status चा फार छान व योग्य रित्या वापरु शकतो*

    अशा पध्दतीने आपणांस या स्टेटसचा वापर करु शकतो..
___________________________________________

अनिल गोडबोले 
सोलापूर

मानस शास्त्र अस सांगत की माणूस त्याच्या मनातील तरल भावना कुठेतरी व्यक्त करत असतो किंवा.. किंवा कोणाला तरी संदेश देण्यासाठी वेगवेगळ्या गोष्टी वापरत असतो... (त्यातूनच भाषेतील लिपी चा उदय झाला)

आता डिजिटल युगात "जसा माणूस तशी त्याची प्रतिमा" या न्यायाने व्हाट्स अप चे स्टेट्स काम करते.. अस मला वाटत.

काही जण मुद्धाम काही गोष्टी टाकतात... पण एकूणच मेसेज देण्याची व्यवस्था निनावी पणे किंवा.. 'लेकी बोले आणि सुने लागे' या पद्धतीने व्हाट्सप स्टेट्स ने सोय करन ठेवलेली आहे..

आपलं ठेवायचं झाकून आणि दुसऱ्याच बघायाच वाकून.. या वृत्तीने आपण व्हाट्स अप स्टेट्स बघत असतो..
पण कधी कधी फार गमती होत असतात.. माझा एक मित्र आहे त्याने एक फोटो ठेवला "वाघासारखा माणूस ... आणि माणसातील वाघ.." बघतो तर नगरसेवकाच 2 वर्षाच पोरग...

गाणी तर काय विचारूच नयेत.. दृश्य एक.. मागे गाणं दुसरंच.. टिक टोक चे व्हिडीओ..
बर्थ डे चे स्टेट्स.. सेल्फी, आणि इतर फोटो... बरच काही

कधी कधी तर राग, प्रेम, धमकी ,विनंती, सूचना, मूड... सगळं स्टेट्स वर असत..

व्यक्त होण्याचं एक नवीन परिमाण म्हणून स्टेट्स महत्त्वाचे आहे... तेव्हा ठेवा, पहा, समजा, एन्जॉय करा..
___________________________________________

संगीता देशमुख,वसमत

                  व्हाट्सॅप  स्टेटस आजकालच्या वापरकर्त्यांचे "स्टेटस" झाले आहे.  खरे तर हे स्टेटस म्हणजे तुमच्या मनात काय चालले,तुमच्या आवडीनिवडी,तुमची सध्याची मानसिक,भावनिक स्थितीच दर्शवित असते. आणि असायलाही हरकत नाही कारण बऱ्याचदा माणूस आपल्या प्रत्येकच भावना कोणाजवळ तरी व्यक्त करतोच,असे नाही. आनंद माणूस सगळ्यांमध्ये व्यक्त करतो परंतु मनाची घालमेल,अपमान,सल मात्र सगळ्याजवळच बोलून दाखवतो असेही नाही. अशावेळी आपल्या मनाचा निचरा कोणत्यातरी  मार्गाने होणे व्यक्त जरुरीचे आहे.  आणि म्हणूनच अशावेळी व्हाट्सॅप स्टेटस लोक वापरतात. हे स्टेटस असे दुखी किंवा निराशाजनकच असतात असेही नाही. खूप सुंदर सुंदर गीते,विनोद हे ही असतात. यावरून तो व्यक्ती आनंदी आहे की दुखी आहे हे तर जवळच्याना कळतं.  पण काहीजण अगदी न चुकता तिकडे अपडेट असतात. कोणत्याही बाबीचा अतिवापर हा घातकच असतो. तरुण पिढीला मात्र हळूहळू नेट मध्ये अडकण्याची एकेक नवनवीन संधी मात्र या माध्यमातून मिळत आहे. त्यामुळे अभ्यासाच्या वेळात तरुणच काय लहान लहान लेकरेही यात गुंतत आहेत,हे घातक आहे. म्हणून जे आपल्याला व्यक्त होण्याचं साधन आहे,त्याचा सदुपयोग घेणे हे आपल्याच हातात आहे,अन्यथा हे विष बनायला वेळ लागणार नाही.
___________________________________________
टीप- (सर्व छायाचित्रे इंटरनेट वरून घेतलेली आहेत)